Juventusi nuk po arrin të shijojë fitoret as nën drejtimin e trajnerit të ri, pasi biankonerët nuk kanë mundur të nxjerrin më shumë se një barazim 1-1 në fushë të Livornos.

Vendasit nga Livorno kaluan të parët në epërsi me golin e Antonio Filippinit në minutën e 26-të të ndeshjes, ndërsa edhe goli tjetër i ndeshjes, ai i barazimit erdhi po ashtu në pjesën e parë, me Nicola Legrottaglie barazoi katër minuta para pauzës (41’). Tetë minuta para fundit të kohës së rregullt, Juventus mbeti me dhjetë lojtarë në fushë pasi Felipe Melo u ndëshkua me kartonin e dytë të verdhë. Por vendasit nuk arritën të përfitojnë nga epërsia numerike dhe u ndanë të kënaqur me vetëm një pikë. Ky është barazimi i dytë në dy ndeshje për trajnerin e ri të Juves, Alberto Zaccheroni, që i humb këtij ekipi edhe pozitën e pestë, ku tash është ngjitur Palermo. /Juventus-Fans.Net

Kryendeshja e javës së 22-të në Serie A, e zhvilluar ndërmjet Juventusit dhe Lazios, nuk dha fitues.


 Bianconerët kanë barazuar me rezultat 1-1 kundër Biancocelestëve, në ndeshjen e zhvilluar para tifozëve të vet në Torino.Zonja e Vjetër zhvilloi ndeshje më të mirë dhe dominoi thuajse gjatë gjithë takimit, mirëpo rezultati nuk ishte ai i nevojshmi.Ikona bardhezi Alessandro Del Piero fitoi një penallti, të cilën e shndërroi në gol (70’) për të kaluar vendasit në epërsi.Mirëpo, fitoren Juventusit ia mohoi Stefano Mauri, i cili shënoi tetë minuta më vonë (78’), për t’ia siguruar një pikë të rëndësishme skuadrës kryeqytetase. /Juventus-Fans.Net

Alberto Zaccheroni është edhe zyrtarisht trajner i ri i Juventusit pasi nënshkroi kontratë që do ta mbajë atë te ky klub deri në fund të sezonit.

Ciro Ferrara eshte informuar largimin e tij para pak çastesh.
Një deklaratë në sajtin zyrtar të Juventusit thotë:
Zaccheroni është trajneri i ri i Juventusit.
Që nga sot, Juventusi ka një trajner të ri: Alberto Zaccheroni. Juventus kështu vendos që ta liroj Ciro Ferrarën nga detyrimet e tij dhe të vë në atë post takticienin romak që ka nënshkruar kontratë deri në qershor të 2010.”
Zaccheroni do të bëj stërvitjen e parë nga ora 15:00. Në ora 17:00 do të prezantohet në një konferencë për shtyp.
Zaccheroni ishte trajner i Interit, Milanit dhe Udineses.
Ciro Ferrara tani nuk ka se çfarë të kërkoj në Vinovo. Klubi po punon për ta shkëputur kontratën me të.
Zaccheroni do ta drejtoj Juventusin deri në fund të sezonit, para se ta punësoj Benitezin në baza permanente. /Juventus-Fans.Net

Interi ka shënuar fitore prej 2-1 në ‘finalen para finales’ të Kupës së Italisë kundër Juventusit, dhe kështu zikaltrit kanë siguruar një vend në gjysmëfinale.

Bardhezinjtë kaluan të parët në epërsi me anë të brazilianit Diego në minutën e 10-të dhe ishin skuadër më e mirë në gjysmën e parë të lojës.
Në pjesën e dytë, Interi u rikthye në lojë për ta përmbysur rezultatin në 2-1.
Goli i parë i vendasve erdhi pas një gjuajtje të lirë, me ç’rast topi u devijua dhe më së miri u gjet Lucio, i cili shënoi në portën e Buffon (71’), për të barazuar rezultatin. Një minutë pa përfunduar koha e rregullt e takimit, Gigi Buffon mbrojti gjuajtjen e Thiago Mottas, por jo edhe të Mario Balotellit, i cili shënoi golin e fitores. /Juventus-Fans.Net